Chupke-chupke koi zindagi mein aata hai,

Phir aankhon ke rastey woh dil mein utar jaata hai,

Dil mein utarker who dhadkano mein bas jaata hai….

Uske dil mein bastey hi dil ki bejaan si duniya mein nayi jaan aa jaati hai,

Berang si zindagi mein kai rang bhar jaate hain,

Saara manzar hasin ho jaata hai, saari vaadiyan hari-bhari ho jaati hai….

Dil karta hai intazaar uska harpal,

Kabhi bechani hoti hai to kabhi sukoon hota hai,

Wahi subah, wahi shaam  aur wahi raat hoti hai,

Wahi mausam, wahi baarish aur wahi hawa ka behna,

Par phir bhi unme ek alag baat hoti hai…..

Shayad yahi hota hai pyaar ka jaadu,

Jiski girafft mein aate hi hum ek jaadui sansar mein pravesh kar jaate hain,

Zindagi ko ek naye mod par paate hain,

Aur us swapn lok mein kho jaate hain,

Haan yahi hota hai pyaar……